पाँचौ पटक फिफा वर्ष खेलाडीको अवार्ड पाएपछि रियल म्याड्रिडका पोर्चुगिज स्टार क्रिस्टियानो रोनाल्डोले बार्सिलोनाका अर्जेन्टिनी स्टार लिओनल मेसीसँगको आफ्नो प्रतिद्वन्दीता समाप्त नभइ सुरू भएको जानकारी गराएक छन्।
विश्वको उत्कृष्ट फुटबल अवार्ड ‘फिफा वर्ष खेलाडी’मा मेसीसँग बराबरी गरेका रोनाल्डोले बेलायती मिडियासँग भनेका छन्, ‘हाम्रो प्रतिद्वन्दीता समाप्त भएको होइन, झन सुरुवात हुँदैछ।’
उनले मेसीको खेल्ने तरिका र आफ्नो खेल्ने तरिका फरक भएको भन्दै आफ्नो तुलना मेसीसँग हुनै नसक्ने दाबी गरे।‘हामी दुबै एउटै समयमा खेलिरहेका छौं। उनले ५ पटक उपाधि जितिसकेका छन् र मैले पनि उतिनै जितेँ,’ उनले भने।
उनले अहिलेको क्षणलाई आफ्नो जीवनकै सबैभन्दा उत्कृष्ट क्षण भएको भन्दै भोलिको बारेमा कसैलाई थाहा नहुने जिकिर गरे।
रोनाल्डोले आफू विश्वको उत्कृष्ट क्लबमा आवद्ध भएर आफ्नो खेल कौशल देखाउन सफल भएकोमा खुसी व्यक्त गरे।
लन्डनमा भएको पुरस्कार समारोहमा विश्व फुटबलका यी दुई हस्ति एकै लहरमा सँगै बसेका थिए।
