विश्वकप छनोट: अर्जेन्टिना सिधै विश्वकपमा छनोट हुन सकेन, पेरुले रोक्यो बराबरीमा

अक्टोबर १० मा छनोट चरणको अन्तिम खेल इक्वेडरसँग खेल्ने


सन् २०१८ मा रुसमा हुने फिफा विश्वकपमा अर्जेन्टिना सिधै छनोट हुन सकेन ।

शुक्रबार बिहान दक्षिण अमेरिकी देशको छनोट अन्तरगत पेरुले गोलरहित बराबरीमा रोकेसँगै अर्जेन्टिनाले विश्वकपमा सिधै आफ्नो स्थान जमाउन नसकेन हो।

पेरु २५ अंकका साथ पाँचौं स्थानमा छ भने अर्जेन्टिना भने गोल अन्तरका आधारमा छैटौं स्थानमा छ ।

विश्वकपमा स्थान बनाउन शीर्ष चारमा रहनुपर्छ । अर्जेन्टिनाले अब विश्वकपमा स्थान बनाउनका लागि प्लेअफ खेल खेल्नुपर्ने हुन्छ ।
अर्जेन्टिनाले अब अक्टोबर १० मा छनोट चरणको अन्तिम खेल इक्वेडरसँग खेल्नेछ ।

ब्राजिलले ३८ अङ्क ल्याई रुसको टिकट पक्का गरिसकेको छ भने दोस्रो स्थानमा रहेको उरुग्वेको २८ अंक छ । तेस्रो स्थानमा रहेको चिली र चौंथो स्थानमा रहेको कोलम्बियाको समान अंक २६ छ ।

Share:

© 2017 Setopati Sanchar Pvt. Ltd.