भुटानमा बुधबारदेखि सुरु साफ यू–१८ च्याम्पियसिपमा पहिलो खेलमा साविक उपविजेता भारत बंगलादेशसँग पराजित भएको छ । पहिलो हाफमा बनाएको ३–० को अग्रता जोगाउन नसक्दा भारत अन्ततः बंगलादेशसँग ४–३ गोल अन्तरले पराजित भएको थियो ।
भारतले खेलको १८ औं मिनेटमा लालामपुइयाको गोलबाट अग्रता लिएको भारतले लालरिन्डिका एडमन्डले ३७ औं मिनेटमा गरेको गोलबाट अग्रता दोब्बर बनायो।
पहिलो हाफको इन्जुरी समयमा प्रिन्सटन फेरि भारतका लागि गोल थपेपछि भारतले पहिलो हाफ ३-० ले अग्रता लियो। जफर इकबालले बंगलादेशका लागि ५५ औं मिनेटमा गोल फर्काएपछि बंगलादेश खेलमा फर्कियो। त्यसको ५ मिनेटपछि रहमत मियाले बंगलादेशका लागि दोस्रो गोल गर्दै खेल अन्तर ३-२ मा पुर्याए।
७७ औं मिनेटमा भारतीय खेलाडीले आत्मघाती गोल बंगलादेशलाई उपाहार दिएपछि बंगलादेश खेलमा फर्कियो। इकबालले इन्जुरी समयमा गोल गर्दै बंगलादेशलाई अविस्मरणीय जित दिलाए।
यस्तै आजै भएको अर्को खेलमा भुटानले माल्दिभ्सलाई १–० ले हराएको थियो ।