इंग्लिस प्रिमियर लिगमा हडर्सफिल्डको अपराजित यात्रा टुंगियो, वेष्ट ह्यामसँग २–० ले पराजित


इंग्लिस प्रिमियर लिग फुटबल अन्तर्गत गए राति भएको खेलमा वेष्ट ह्याम विजयी भएको छ।

घरेलु मैदानमा वेष्ट ह्यामले हडर्सफिल्डलाई २–० ले पराजित गर्‍यो । पहिलो जित दिलाउन वेष्ट ह्यामका लागि पेट्रो ओबियाङ र आन्ड्रे आयुले गोल गरे । यही सिजन प्रिमियर लिगमा बढुवा भएको हडर्सफिल्डका लागि भने यो पहिलो हार हो।

खेलको पहिलो हाफ गोलरहित बराबरी भएपनि दोस्रो हाफको अन्तिम २० मिनेटमा वेष्ट ह्यामले दुई गोल गर्‍यो । ७२ औं मिनेटमा ओबियाङको गोलमा अग्रता लिएको वेष्ट ह्यामका लागि त्यसको पाँच मिनेटपछि आयुले गोल थपे । पहिलो जितपछि वेष्ट ह्यामले तीन अंक जोडेको छ । हडर्सफिल्ड सात अंकसहित छैटौं स्थानमा छ ।

Share:

© 2017 Setopati Sanchar Pvt. Ltd.