मेसीले भने-डेम्वेलेको खेलबाट म प्रभावित भएँ


बार्सिलोनाका स्टार लियोनल मेसीले भर्खरै डेव्यू गरेका उसमान डेम्वेलेसँग वार्ता गरेका छन्।

स्पानियोल विरुद्धको खेलपछि मेसीले डेम्वेलेसँग वार्ता गरेका हुन् । उनले डेम्वेलेको खेलबाट प्रभावित भएको बताए। मेसीले डेम्वेलेको खेलको प्रसंशा गर्दै थप राम्रो गर्न हौसला दिए।

डेम्वेलेको डेव्यू खेलमै बार्सिलोनाले स्पानियोललाई ५–० ले पराजित गरेको थियो । तर यो खेलको अन्तिम समयमा मैदान छिरेका डेम्वेलेले गोल भने गरेका थिएनन्।

यद्यपी उनले अन्तिम गोलका लागि लुइस सुवारेजलाई पास मिलाई दिएका थिए। बार्सिलोनाले च्याम्पियन्स लिगको पहिलो खेलमा आज राति युभेन्ट्ससँग खेल्दैछ।

आजको खेल बार्साका लागि त्यति सहज छैन । गएको सिजन युभेन्ट्ससँग पराजित हुँदै बार्सिलोना लिगबाट बाहिरिएको थियो।

 

Share:

© 2017 Setopati Sanchar Pvt. Ltd.