उपाधिका लागि एपीएफ र मनाङ भिड्ने 


विजय यूथ क्लव हेटौडालाई हराउँदै मनाङ मर्स्याङ्दी क्लब फाइनलमा प्रवेश गरेको छ।

नारायणगढ क्याम्पचौरमा जारी ‘प्रथम ई–प्लानेट जेसीज कप–२०७४’ अन्तर्गत शनिबार भएको अन्तिम सेमिफाइनलमा विजय यूथ क्लव हेटौडालाई ० का विरुद्ध २ गोल हराउँदै मनाङ उपाधि नजिक पुगेको हो।

मनाङको जितमा खेलको ५५ मिनेटमा अन्जन विष्टको कर्नर प्रहारलाई रिवाउण्ड मार्फत विमल रानाले गोल गरेका थिए। त्यस्तै ७८ औं मिनेटमा विमलको पासमा सुजल श्रेष्ठले गोल गर्दै मनाङलाई उपाधिका लागि एसिएफसँगको भिडन्त पक्का गरेका हुन्।

खेलको प्लेयर अफ दि म्याच मनाङकै नविन भए । उनले नगद ५ हजार प्राप्त गरे ।

यसअघि शुक्रबार भएको खेलमा सुदूर पश्चिमाञ्चल ११ लाई ० का विरुद्ध ३ गोलले पराजित गर्दै विभागीय टिम एपीएफ फाइनलमा प्रवेश गरेको हो। फाइनल खेल भदौ २६ गते सोमबार हुने आयोजक नारायणगढ जेसीजका अध्यक्ष बाबुराम रामदामले जानकारी दिए ।

प्रतियोगितामा पहिलो हुने टिमले नगद ३ लाख ५० हजार र ट्रफि तथा दोस्रो हुने टिमले नगद १ लाख ७५ हजार र ट्रफि पाउने छन् ।

१० टिम सहभागी खेलमा एपीएफ र मनाङ फाइनलसम्मको यात्रा तय गर्न सफल भएका हुन् ।

Share:

प्रतिकृया दिनुहोस

© 2017 Setopati Sanchar Pvt. Ltd.