स्लोभाकियामाथि इंल्याण्डको कठीन जित

स्लोभाकियामाथि इंल्याण्डको कठीन जित


विश्वकप छनोटमा इंग्ल्यान्डले स्लोभाकियामाथि कठीन जित दर्ता गरेको छ। सन् २०१८ मा रूसमा हुने विश्वकप छनोट अन्तर्गत अन्तर्गत युरोपियन क्षेत्रको छनोटमा सोमबार राति भएको खेलमा इंग्ल्यान्डले स्लोभाकियामाथि २-१ को संघर्षपूर्ण जित दर्ता गर्‍यो।

घरेलु मैदान वेम्बलीमा भएको खेलमा इंग्ल्यान्डको लागि इरिक डाएर र मार्कुस राष्फोर्डले समान एक  एक गोल गरे । स्लोभाकियाका स्टानिस्लाभ लोबोत्काले एक गोल फर्काए ।

खेलमा सुरुवाती अग्रता भने पाहुना टोलीले बनाएको थियो । खेलको तेस्रो मिनेटमा नै स्टानिस्लाभले गोल गर्दै स्लोभाकियालाई सुरुवाती अग्रता दिलाएका थिए ।

तर, खेलको ३७ औं मिनेटमा डाएरले बराबरी गोल गर्दै इंग्ल्यान्डलाई खेलमा फर्काए । पहिलो हाफ १ – १ गोलको बराबरीमा सकिएको दोस्रो हाफमा भने घरेलु टोलि हावी भएको थियो । त्यसपछि खेलको ५७ औं मिनेटमा राष्फोर्डले गोल गर्दै घरेलु टोलीलाई महत्वपूर्ण ३ अंक दिलाए ।

यो जितपछि समूह ‘एफ’  को इंग्ल्यान्डले विश्वकपमा छनोट हुने सम्भावना जिवितै राखेको छ । छनोटको ८ खेल  सकिदा इंग्ल्यान्डले ६ जितसहित १९ अंक जोडेको छ । र, इंग्ल्यान्ड आफ्नो समूहको शिर्ष स्थानमा छ । यस समूहमा पराजित स्लोभाकिया दोस्रो स्थानमा छ । स्लोभाकियाले १५ अंक जोडेको छ ।

Share:

प्रतिकृया दिनुहोस

© 2017 Setopati Sanchar Pvt. Ltd.