रुस विश्वकप २०१८ का लागि अफ्रिका छनोटमा आइभरी कोस्ट र जाम्बिया विजयी भएका छन्।
गएराति भएको समूह ‘सी’को खेलमा आइभरी कोस्टले गाबोनलाई ३–० ले हराएको हो। आइभरी कोस्टको जितमा सेडोउ डोउबियाले २ (७७ औं र ८३औं) तथा म्याक्स ग्रोडेल (५३ औं मिनेटमा) गोल गरे।
जितसँगै आइभरी कोस्टले ३ खेलबाट ७ अंक जोडेको छ। दोस्रो स्थानको मोरक्कोको ५, तेस्रो स्थानको गाबोनको २ र चौथो स्थानको मालीको १ अंक छ।
यस्तै अफ्रि छनोट अन्तर्गत समूह ‘बी’ को खेलमा जाम्बियाले अल्जेरियालाई ३–१ ले हरायो। जाम्बियाका लागि ब्रेन एमविलाले २ तथा नक एमविपुले १ गोल गरे। जितपछि जाम्बिया समूहमा ४ अंक जोडेर दोस्रो स्थानमा उक्लियो। शीर्ष स्थानको नाइजेरियाको ९ अंक छ भने तेस्रो स्थानको क्यामरुनको २ र चौथो स्थानको अल्जेरियाको १ अंक मात्र छ।
यस्तै छनोट अन्तर्गत समूह ‘डी’ को खेलमा सेनेगल र बुर्किना फासोले गोलरहित बराबरी खेलेर अंक बाडेका छन्। बराबरीसँगै बुर्किना फासो ३ खेलबाट ५ अंक जोडेर अंक तालिकोको पहिलो स्थानमा तथा सेनेगल ४ अंकसहित दोस्रो स्थानमा छन्। तेस्रो स्थानको दक्षिण अफ्रिकाको पनि ४ अंक नै छ। समूहको पुछारमा रहेको केप भर्डि आइल्यान्डको ३ अंक छ।
पाँच समूहमा जारी अफ्रिका छनोटको समूहमा शीर्ष स्थान हात पार्ने टोली विश्वकपमा सोझै छनोट हुनेछन्।
