जर्मनीको लगातार सातौं जित, विश्वकपमा छनोटको सम्भावना बलियो


जर्मनीले आगामी रूस विश्वकपमा छनोट हुने सम्भावना बलियो बनाएको छ। शुक्रबार राति भएका खेलमा जर्मनीले चेक गणतन्त्रलाई २–१ ले हराएउँदै लगातार सातौ जित दर्ता गरेको ह्यो।

युरोपियन क्षेत्रको छनौट अन्तर्गत समूह ‘सी’ म रहेको जर्मनीको जितमा टिमो वर्नर र म्याट्स हमल्सले गोल गरे। चेक गणतन्त्रका लागि भ्लादिमिर डारिडाले एक गोल गरेका थिए।

खेलको चौथो मिनेटमा नै वर्नरको गोलबाट जर्मनीले अग्रता लिएको थियो। तर ७८ औं मिनेटमा चेक गणतन्त्रका लागि डारिडाले बराबरी गोल फर्काए। खेलको अन्तिम तिर, ८८ औं मिनेटमा हमल्सले गोल गर्दै जर्मनीलाई जित दिलाए।

गएरातिको खेलसँगै सात खेलबाट २१ अंक जोडेको जर्मनी समूहको शीर्ष स्थानमा छ। राति नै भएको अर्को खेलमा सान मारिनोलाई ३–० ले हराएको नर्दन अयरल्याण्डले पनि विश्वकपमा छनोट हुने सम्भावनालाई बलियो बनाएको छ। सात खेलबाट १६ अंकसहित नर्दन आयरल्याण्ड दोस्रो स्थानमा छ ।

Share:

प्रतिकृया दिनुहोस

© 2017 Setopati Sanchar Pvt. Ltd.