डाँगीहाट युथ क्लब, बेलबारी ११ लक्ष्मीमार्ग मोरङको आयोजनामा आगामी भदौ २३ गतेदेखि ३१ गतेसम्म प्रथम ऐतिहासिक लक्ष्मीमार्ग गोल्डकप २०७४ हुने भएको छ। आयोजकले बुधबार पत्रकार सम्मेलन गर्दै गोल्डकपको बारेमा जानकारी दिएका हो। गोल्डकपमा धनकुटा, झापा, मोरङ र सुनसरीका गरी ८ वटा टिमको सहभागिता रहने छ।
आयोजकले गोल्डकपमा १९ लाख ५७ हजार खर्च हुने अनुमान गरेको छ। साथै विभिन्न प्रायोजक र अन्यबाट ११ लाख ८० हजार आम्दानी हुने बताइएको छ।
गोल्डकपबाट प्राप्त आम्दानी खेलकुद क्षेत्रको विकास र बाढीपीडित बालबालिकाहरुको शैक्षिक सामाग्री जुटाउन खर्च गर्ने आयोजक समितिका अध्यक्ष बिक्रम राईले बताए।
गोल्डकपमा प्रथम हुनेलाई नगद १ लाख ११ हजार १ सय १, दोस्रो हुनेलाई रु. ५१ हजार १ सय १ रुपैया र खेलअबधिभर म्यान अफ दि म्याच लाई २५ हजार पुरस्कारले पुरस्कृत गरिने जनाईएको छ।
