वायन रुनीले इंग्लिश प्रिमियर लिगमा आफ्नो गोल संख्या २०० पुर्याएका छन्।
१३ वर्षपछि पुरानै क्लब एभर्टनमा फर्केका रूनी प्रिमियर लिगमा २०० गोल गर्ने उनी दोस्रो खेलाडी हुन्। एलन शियरर प्रिमियर लिगमा सबैभन्दा बढी गोल गर्ने खेलाडी हुन्। उनले लिगमा अहिलेसम्म २६० गोल गरिसकेका छन्।
म्यानचेस्टर सिटीसँग सोमबार राति एभर्टनको घरेलु मैदानमा भएको खेलमा रुनीले गोल गरेका हुन्। तर खेल सिटीले बराबरीमा ल्यायो। उसका लागि रहिम स्टर्लिङले गोल गर्दै खेल बराबरीमा ल्याएका हुन्।