घरेलु मैदानमा भएको रोमाञ्चक खेलमा म्यानचेस्टर सिटीले एस्टन भिल्लालाई २–१ गोलले पराजित गर्दै प्रिमियर लिगको अंक तालिकामा तेस्रो स्थानमा उक्लिएको छ।
खेल सुरुआतदेखि नै प्रतिस्पर्धात्मक बनेको थियो। दुबै टोलीले गोलका लागि प्रयास गरे तापनि पहिलो हाफमा दुबै टोलीले एक-एक गोल गरे।
सिटीले बर्नान्डो सिल्भाले सातौं मिनेटमा गरेको गोलबाट अग्रता लियो। तर भिल्लाका लागि रास्फोर्डले १८ मिनेटमा पेनाल्टीबाट बराबरी गोल फर्काए।
खेलको अन्तिम क्षणसम्म बराबरीको स्थितिमा रहेको खेललाई नुनेसले ९४औं मिनेटमा गोल गर्दै सिटीलाई महत्वपूर्ण जित दिलाए।
यो जितसँगै म्यानचेस्टर सिटीले अब ३४ खेलमा ६१ अंक बनाएको छ र च्याम्पियन्स लिग स्थानको होडमा बलियो स्थितिमा पुगेको छ। ३३ खेल खेलेका शीर्ष स्थानको लिभरपुलको ७९ र दोस्रो स्थानको आर्सनलको ६६ अंक छ। चौथो स्थानको नटिघमको ६० र पाँचौ स्थानको न्युकासलको ५९ अंक छ।
-1742801159.jpg)
