युरोपियन च्याम्पियन्स लिगमा लिभरपुल अन्तिम १६ मा पुगेको छ। लगातार चौथो जित निकाल्दै लिभरपुल अन्तिम १६ मा पुगेको हो।
लिभरपुलले बुधबार राति भएको खेलमा लिभरपुलले एट्लेटिकोलाई २-० ले हरायो। लिभरपुलको जितमा जोटाले १३ र मानेले २१ मिनेटमा गोल गरे।
जितसँगै समूह 'बी' मा लिभरपुलको ४ खेलबाट १२ अंक छ। दोस्रो स्थानको पोर्टोको ४ खेलबाट ५ अंक छ।
पोर्टोले बुधबार एसी मिलानसँग १-१ को बराबरी खेल्यो। तेस्रो स्थानमा झरेको एट्लेटिकोको ४ अंक छ भने मिलान १ अंकसहित चौथो स्थानमा छ।
यता अर्को इंग्लिस क्लब म्यानचेस्टर सिटीले क्लब ब्रुगलाई ४-१ गोलले हराएको छ। सिटीका लागि फोडेनले १५, महारेजनले ५४, स्टर्लिङले ७२ र जेससले दोस्रो हाफको इन्जुरी टाइममा गोल गरे।
यो समूहको अर्को खेलमा फ्रेन्च क्लब पिएसजीले र जर्मन क्लब लाइपजिगले २-२ को बराबरी खेले। समूहमा म्याचेस्टर सिटीले ४ खेलबाट ९ अंक जोडेको छ।
दोस्रो स्थानको पिएसजीको ८ अंक छ भने क्लब ब्रुग ४ अंकसहित तेस्रो र लाइपजिग १ अंक जोडेर चौथो स्थानमा छ।
यता रियल म्याड्रिडले शख्तर डोनेट्स्कलाई २-१ ले हरायो। यो समूहको अर्को खेलमा इन्टर मिलानले शेरिफ तिरास्पोलमाथि ३-१ को जित हात पार्यों।
समूह 'डी' मा रियल ९ अंकसहित शीर्ष स्थानमा छ। दोस्रो स्थानको इन्टरको ७ अंक र तेस्रो स्थानको शेरिफको ६ अंक छ। शख्तरले भने १ अंक मात्र जोडेको छ।
