स्पेनिस ला लिगामा साविक विजेता एट्लेटिको म्याड्रिडले बार्सिलोनालाई पराजित गरेको छ।
शनिबार राति भएको खेलमा बार्सिलोनामाथि एट्लेटिकोले २-० को जित हात पारेको हो।
एट्लेटिकोले दुवै गोल पहिलो हाफमै गरेको थियो। खेलको २३ मिनेटमा लेमारले गोल गर्दै एट्लेटिकोलाई अग्रता दिलाए। उनलाई गो गर्न सुआरेजले पास दिएका थिए।
सुआरेजले ४४ मिनेटमा एट्लेटिकोको अग्रता दोब्बर पारे। उनले लेमारको पासमा गोल गरेका थिए।
जितसँगै एट्लेटिकोले शीर्ष स्थानको रियल म्याड्रिडसँग अंक बराबरी गरेको छ।
शीर्ष स्थानको रियलको ७ खेलबाट १७ अंक छ। दोस्रो स्थानको एट्लेटिकोले ८ खेलबाट १७ अंक बटुलेको छ।
बार्सिलोना ७ खेलबाट १२ अंक जोड्दै नवौं स्थानमा छ।
