स्पेनिस ला लिगामा दुवै म्याड्रिड क्लबले जित हात पारेका छन्।
आइतबार राति भएको खेलमा रियलले सेल्टा भिगोलाई ५-२ ले हरायो। रियलको जितमा करिम बेन्जिमाले ह्याट्रिक गरे।
पहिलो गोल २४ मिनेटमा गरेका उनले दोस्रो गोल ४६ मिनेटमा गरे। बेन्जिमाले ८७ मिनेटमा ह्याट्रिक पूरा गरेका थिए।
रियलका लागि थप गोल भिनिसियस जुनियरले ५४ मिनेट र कमाभिङ्गाले ७२ मिनेटमा गरे गरे।
सेल्टाका लागि मिना लोरेन्जोले चौथो मिनेटमा गोल गरेर टिमलाई सुरुवाती अग्रता दिलाए। यस्तै ३१ मिनेटमा केर्भीले गोल गर्दा सेल्टा पहिलो हाफमा २-१ ले अघि रहेको थियो। तर दोस्रो हाफमा रियलले चार गोल गर्न सफल भयो।
यता एट्लेटिको म्याड्रिडले पनि पुनरागमन जित हात पारेको छ। एट्लेटिकोले इस्प्यानोललाई २-१ ले हरायो।
खेलको ४० मिनेटमा डि तोमासको गोलबाट इस्प्यानोलले जित हात पारेको थियो।
एट्लेटिकोका लागि कारास्कोले ७९ मिनेटमा बराबरी गोल फर्काए। दोस्रो हाफको इन्जुरी टाइमको नवौं मिनेटमा लेमारले गोल गर्दा एट्लेटिकोले रोमाञ्चक जित हात पार्यो।
लिगको अर्को खेलमा भ्यालेन्सियाले ओसासुनालाई ४-१ गोलले पराजित गरेको छ।
लिगको अंक तालिकामा रियल म्याड्रिड ४ खेलबाट १० अंक जोड्दै शीर्ष स्थानमा छ। दोस्रो स्थानको भ्यालेन्सिया र तेस्रो स्थानको एट्लेटिकोको पनि समान १०-१० अंक छ।
