म्यान्चेष्टर युनाइटेड समर्थकको टोली एमयुएफसी विजय चोक युथ क्लबले सी डिभिजन छनोट खेल्दै

सेतोपाटी संवाददाता

काठमाडौं, भदौ ८

एमयुएफसी विजय चोक युथ क्लबले आगामी भदौ १० गतेबाट हुने सहिद स्मारक सी डिभिजन छनोट खेल्ने भएको छ।
सन् २०१२ मा गठन भएको एमयुएफसी बेलायती फुटबल क्लब म्यान्चेष्टर युनाइटेडका समर्थकको टोली हो।

सुरूआती दिनमा सातामा विदाको दिन शनिबार क्लवका सदस्यहरू भेला भएर एक आपसमा खेल्ने गर्थे। विस्तारै क्लबमा सदस्यको संख्या बढ्दै गएपछि क्लब गठन गरेर विभिन्न प्रतियोगिताहरूमा सहभागीता जनाएको थियो।

नैकाप गोल्डकप, सटर्स कप लगायत विभिन्न प्रतियोगिताबाट अनुभव बटुलेको क्लबले समुदायमा हुने विकास निर्माण र विकासका लागि सहकार्य गर्दै आएको छ।

क्लबले जनचेतनामुलक विविध कार्यक्रम, स्वास्थ्य सिविर, भूकम्प तथा कोभिड १९ बाट पीडित व्यक्तिलाई खाद्यन्न वितरण गर्नुका साथै कोरोनाको उच्च विन्दुमा आइसोलेशन सेन्टर बनाएरसमेत स्थानीयलाई सहयोग गरेको थियो।

आगामी दिनमा सामाजिक सेवासँगै व्यवसायिक फुटबललाई पनि निरन्तरता दिनका लागि आगामी १० गतेबाट हुने सी डिभिजन लिग खेल्न लागेको क्लबका मेनेजर विवेक थापाले जानकारी दिए।

थापाका अनुसार एमयुएफसी र विजयचोक युथ क्लबबीच सहकार्य गरेर लिग फुटबल खेल्न लागेको हो।

यसैबीच अखिल नेपाल फुटबल संघ एन्फाले सहिद स्मारक 'सी' डिभिजनको छनौट खेलका लागि एन्फाले खेल तालिका सार्वजनिक गरेको छ। एन्फाले एन्फाले छनौटका लागि खुला आह्वान गरेपछि देशभरका ७८ क्लबले छनोटका लागि दर्ता गराएका छन्।

छनोटका लागि क्लबमा कम्तीमा १८ खेलाडी, प्रशिक्षक र फिजियो हुनुपर्ने प्रावधान एन्फाको छ।

एन्फाले सी डिभिजनको छनौट खेल भदौ १० गतेबाट काठमाडौंमा सुरु गर्ने तयारी गरिरहेको छ। जसमा ७८ टिमलाई २६ समूहमा बाँडिएको छ। यी समूहका सबै खेल कात्तिक ८ गते समापन हुनेछ।

प्रतियोगितामा भ्याक्सिन लगाएका खेलाडीको कोभिड टेस्ट गरिने छैन। प्रतियोगिता दर्शकविहीन हुनेछ।
यस्तो छ समूह

यस्तो छ समूह

समूह ए