स्पेनिस ला लिगामा शीर्ष स्थानको एट्लेटिको म्याड्रिडले सानदार जित हात पारेको छ।
एट्लेटिकोले आइतबार राति भएको खेलमा एइबारलाई ५-० गोलले पराजित गर्यो।
एट्लेटिकोका लागि कोरिआले ४२ र ४४ मिनेटमा गरी दुई गोल गरे।
कारास्कोले ४९ मिनेटमा एक गोल थप्दा लोरेन्टेले ५३ मिनेट र ६८ मिनेटमा गरी दुई गोल गरे।
दोस्रो स्थानको रियल म्याड्रिड भने बराबरीमा रोकियो। रियललई गोटाफेले गोलरहित बराबरीमा रोकेको हो।
अंक तालिकामा शीर्ष स्थानको एट्लेटिकोको ३१ खेलबाट ७० अंक छ। दोस्रो स्थानको रियलको ६७ अंक छ।
एक खेल कम खेलेको तेस्रो स्थानको बार्सिलोनाको ६५ अंक रहेको छ।
