इंग्लिस क्लब म्यानचेस्टर सिटीले पोर्चुगिज डिफेन्डर रुबेन डायसलाई भित्र्याएको छ।
२३ वर्षीय डिफेन्डर रुबेन पोर्चुगिज क्लब बेन्फिकाबाट ६५ मिलियन पाउन्डमा सिटीमा आबद्ध भएका हुन्।
रुबेन ६ वर्षका लागि सिटीमा आबद्ध भएका हुन्। म्यानचेस्टर सिटीका प्रशिक्षक पेप ग्वार्डिओलाले सिजनमा आबद्ध गरेका उनी तेस्रा खेलाडी हुन्।
यसअघि सिटीले डिफेन्डर नाथन एके र फरवार्ड फेरन टोरेसलाई भित्र्याएको थियो। सिटीमा आबद्ध भएपनि रुबेनले राम्रो अवसर पाएको भन्दै खुसी व्यक्त गरेका छन्।
उनले बेन्फिकाका लागि सन् २०१७ देखि २०२० सम्ममा ९० खेल खेल्दा ९ गोल गरे।
सन् २०१८ मा पोर्चुगिज राष्ट्रिय टिममा डेब्यू गरेका उनले १९ अन्तर्राष्ट्रिय खेल खेलेका छन्। त्यसक्रममा उनले पोर्चुगललाई नेसन्स लिगको उपाधि जिताउन उत्कृष्ट प्रदर्शन गरेका थिए।
