इंग्लिस क्लब म्यानचेस्टर सिटीले स्पेनिस क्लब भ्यालेन्सियाका विङ्गर फेरन टोरेसलाई भित्र्याएको छ।
सिजनको पहिलो खेलाडी भित्र्याउने क्रममा सिटीले टोरेससँग २३ मिलियन यूरोमा पाँच वर्षका लागि सम्झौता गरेको हो।
२० वर्षीय टोरेसले सिटी छाडेका जर्मन विङ्गर लिरोए सानेको स्थान लिनेछन्।
साने गत ३ जुलाइमा सिटी छाडेर जर्मन बुन्डेस लिगा च्याम्पियन बायर्न म्युनिखमा आबद्ध भएका थिए।
स्पेनको यु२१ टिमका खेलाडी टोरेस सन् २०१७ मा भ्यालेन्सियाको सिनियर टिममा आबद्ध भएका थिए। उनले तीन सिजनमा ७१ खेल खेल्दा ६ गोल गरे।
टोरेसले युथ करिअर पनि भ्यालेन्सियामै बिताएका थिए।
