स्पेनिस ला लिगामा बार्सिलोनाले साघुँरो जित हात पारेको छ। बार्सिलोनाले शनिबार राति भएको खेलमा रियल भालडोलिडलाई १-० गोलले पराजित गरेको हो।
बार्सिलोनाको जितमा अर्टुरो भिदालले खेलको १५ मिनेटमा गोल गरे। उनले लिओनल मेसीको पासमा गोल गरेका थिए।
लिगको अर्को खेलमा तेस्रो स्थानको एट्लेटिको म्याड्रिडले रियल बेटिसलाई १-० गोलले पराजित गरेको छ।
जितसँगै दोस्रो स्थानको बार्सिलोनाले शीर्ष स्थानको रियल म्याड्रिससँगको अंक दूरी १ मा झारेको छ। यद्यपी रियल म्याड्रिडले एक खेल कम खेलेको छ।
बार्सिलोनाको ३६ खेलबाट ७९ अंक छ भने रियलको ३५ खेलबाट ८० अंक छ। तेस्रो स्थानको एट्लेटिकोले ३६ खेलबाट ६६ अंक बटुलेको छ।
रियलले बाँकी रहेका तीन खेलमा जित हात पारे उपाधि जित्नेछ। बार्सिलोनाका लागि बाँकी दुई खेल जितेर मात्र पुग्दैन रियलले तीन मध्ये दुई खेलमा अंक गुमाउनु पर्नेछ।
