फ्रेञ्च क्लब पेरिस सेन्ट जर्मेन (पिएसजी) ले इडिन्सन काभानी र थोमस मोउनियरलाई जुनपछि दुई महिनाको सम्झौता गर्न प्रस्ताव गरेको छ। तर दुवैले यो प्रस्ताव अस्वीकार गरिदिएका छन्।
उरुग्वेका स्ट्राइकर काभानी र बेल्जियन डिफेन्डर मोउनियरको सम्झौता जुन ३० मा सकिदैछ।
सिजनको फ्रेन्च कप, लिग कप र च्याम्पियन्स लिगका खेलहरु त्यतिबेलासम्म सकिँदैन। त्यसैले दुई महिना सम्झौता बढाउनका लागि क्लबले गरेकोमा दुवैले अस्वीकार गरेका हुन्।
यसअघि क्लबले काभानीसँग आगामी सिजनका लागि सम्झौता नगर्ने बताएको थियो। कोरोना भाइरस कारण लिग वानका पूरै खेल नसकि रद्द गरिएको थियो।
कोरोनाकै कारण कप र च्याम्पियन्स लिगका खेल धकेलिएका हुन्।
काभानीले क्लबका लागि ३०१ खेलमा २०० गोल गरेका थिए। सन् २०१३ मा नापोलीबाट आबद्ध भएपछि उनले ६ वटा फ्रेञ्च लिग वानको उपाधि जितेका छन्।