वर्नमाउथका गोलकिपर आरोन राम्डेलले आफू कोरोनाभाइरसबाट संक्रमित भएको सार्वजनिक गरेका छन्।
प्रिमियर लिगका पछिल्ला दुई संक्रमित मध्ये आरोन एक हुन्।
९९६ खेलाडी तथा क्लब स्टाफको दोस्रो चारणमा परीक्षण गरिएको थियो। जसमा आरोनसँगै अर्का एक व्यक्तिलाई पोजेटिभ देखिएको थियो।
अघिल्लो साता ६ जनालाई कोरोनाको पुष्टि भएको थियो। प्रिमियर लिगका १७ सय ४४ लाई परीक्षण गर्दा ८ जनामा कोरोना भेटिएको छ।
कोरोना भेटिएपछि आफू स्तब्ध भएको आरोनले बताएका छन्।
'मैले कसैलाई पनि भेटेको छैन। तर पनि मलाई कोरोना भएकोमा स्तब्ध छु,' इंग्ल्यान्डका यु२१ राष्ट्रिय टिमका गोलकिपरले भने।
अब उनी सात दिनको सेल्फ आइसोलेसनमा बस्नेछन्।
पहिलो चरणको परीक्षणमा वाटफोर्डका डिफेन्डर एड्रियन मारिप्पा र वर्नलीका सहायक प्रशिक्षक इयान ओनलाई कोरोना संक्रमण पुष्टि भएको थियो।
प्रिमियर लिगका टिमले समूहमा अभ्यास गरिरहेका छन्। लिग जुन मध्यबाट सुचारू गर्ने तयारी गरिएको छ।
