फ्रेन्च लिग वान अन्तरगत शनिबार भएको खेलमा पेरिस सेन्ट जर्मेन (पिएसजी) बराबरीमा रोकिएको छ।
पिएसजी पुछारबाट दोश्रोमा रहेको एमिएन्ससँग ४-४ को बराबरीमा रोकिएको हो।
खेलको पहिलो हाफमा पिएसजी ३-१ ले पछि परेको थियो। एमिएन्ससँगको भीडन्त पिएसजीका लागि त्यति सहज हुन सकेन।
पिएसजीविरुद्ध पहिलो हाफमा ३-० को अग्रता लिने क्रममा एमिएन्सले खेलको ५, २९ तथा ४० औं मिनेटमा गोल गरेको थियो। ती गोलहरू क्रमशः ग्युरासे, काकुटा, डिबाटेले गरेका थिए।
३-० ले पछि परेको पिएसजीका लागि हेरेराले खेलको ४५ औं मिनेटमा एक गोल फर्काएका थिए।
त्यसपछि पिएसजीले खेलको ६०,६५ र ७४ औं मिनेटमा गोल गरेको थियो। उसका लागि ती गोलहरू क्रमशः ६० र ६५ औं मिनेटमा कउएसीले गरे भने ७४ औं मिनेटको गोल इकार्डीले गरे।
यसरी खेल ४-३ ले पुनः पिएसजीको पक्षमा गएपनि अतिरिक्त समयको पहिलो मिनेटमा ग्युरासेले पुनः गोल गर्दै लिगको शीर्ष स्थानको टोलीलाई बराबरीमा रोकिदिए।
बराबरीपछि शीर्षस्थानको पिएसजीको २५ खेलबाट ६२ अंक छ।
त्यस्तै २५ खेलबाट २१ अंक जोडेको एमिएन्स लिगको १९ औँ स्थानमा छ।