रियल मड्रिडले जारी स्पेनिस लिगमा निकटत्तम प्रतिदन्वदी बार्सिलोनासँग ३ अंकको स्पष्ट दुरी बनाएको छ।
आइतबार भएको खेलमा रियल भालाडोलिडमाथि १-० को जित हात पारेपछि लिगमा बार्सिलोनासँग ३ अंकको अन्तर कायम गर्न सफल भएको हो।
मड्रिडको यस जितमा नाचोले निर्णायक गोल गरेका थिए। उनले ७८ औ मिनेटमा सो गोल गरेका हुन्।
शनिबार भएको खेलमा बार्सिलोना भ्यालेन्सियासँग २-० ले पराजित भएपछि लिगमा दुरी बढाउन उसका लागि यो जित महत्वपूर्ण थियो।
जितपछि मड्रिडको २१ खेलबाट ४६ अंक छ भने समान खेल खेलको बार्सिलोनाको ४३ अंक छ।