नेइमार जुनियरले आइतबार फ्रेन्च लिग वानमा लिलेविरुद्ध जितमा गरेको गोल हेलिकप्टर दुर्घटनामा ज्यान गुमाएका चर्चित अमेरिकी बास्केटबल खेलाडी कोबे ब्रायन्टप्रति समर्पित गरेका छन्।
लिगमा लिलेलाई पेरिस सेन्ट जर्मेन(पिएसजी)ले २-० ले पराजित गरेको छ।
टोलीलाई जित दिलाउने क्रममा नेइमारले खेलको २८ औं मिनेटमा पहिलो गोल गरेका थिए भने दोश्रो गोल पेनाल्टी मार्फत खेलको ५२ औं मिनेटमा गरेका थिए।
दोश्रो गोल गरेपछि नेइमारले दुई हातका औला उठाउँदै ब्रायन्टले बास्केटबल खेल्दा लगाउने गरेको २४ नम्बरको जर्सीको संकेत बनाएका थिए।
नेइमार बास्केटबलका फ्यान हुन् र उनले फ्यान भएकैले ब्रायन्टलाई भेटेकासमेत थिए। उनले योसँगै ब्रायन्टलाई संवेदना दिदैं इन्स्टाग्राममा तस्विरसहितको पोस्ट गरेका छन्।