जारी इटालियन सिरि एको शीर्ष स्थानमा रहेको युभेन्टसलाई १० औं स्थानमा रहेको नापोलीले पराजित गरेको छ।
लिग अन्तरगत आइतबार भएको खेलमा नापोलीले युभेन्टसलाई २-१ गोल अन्तरले पराजित गरेको हो।
खेलमा पहिलो अग्रता नापोलीले खेलको ६३ औं मिनेटमा जेलेनेस्कीको गोलमा लिएको थियो। नापोलीको सो अग्रतालाई इन्सिग्नेले ८६ औं मिनेटमा दोब्बर पार्दै २-० को अग्रता दिलाएका थिए।
यसरी २-० ले पछि परेको युभेन्टसले खेलको ९० औं मिनेटमा एक गोल फर्कायो। सो गोल क्रिश्चियानो रोनाल्डोले गरेका थिए तर त्यो जितका लागि पर्याप्त थिएन।
हारपछि पनि युभेन्टस लिगको शीर्ष स्थानमै छ। २१ खेलबाट उसको ५१ अंक छ। यसैगरी दोश्रो स्थानमा रहेको इन्टर मिलानको भने ४८ अंक छ।
यसगरी युभेन्टसलाई पराजित गरेको नापोलीको २१ खेलबाट २७ अंक छ।
