सहिद स्मारक ए डिभिजन लिगमा त्रिभुवन आर्मी क्लबले तीन अंकको अग्रता लिएको छ।
लिग लिडर आर्मीले सोमबार भएको खेलमा च्यासल युथ क्लबलाई ३-० गोलले पराजित गरेर तीन अंकको अग्रता लिएको हो।
आर्मीको जितमा भारत खवासले ५८ मिनेटमा पहिलो गोल गरे।
७३ मिनेटमा आर्मीले अग्रता दोब्बर पार्यो। आर्मीका लागि नवयुग श्रेष्ठले गोल गरे। उनले काउन्टर आक्रमणमा सेसेहाङ आम्दाम्बेले उपलब्ध गराएको पासमा गोल गरे।
८५ मिनेटमा आर्मीले पेनाल्टी पायो। च्यासलका छिरिङ गुरुङले डिबक्समा फल गरेपछि रेफ्रीले पेनाल्टी दिए। पेनाल्टीमा आर्मीका सन्तोष तामाङले गोल गर्न सफल भए।
खेलसँगै लिगको सातौं चरणका सकिएका छन्। सातौ चरणसम्म आर्मी १६ अंक जोडेर शीर्ष स्थानमा छ।
दोस्रो स्थानको मच्छिन्द्र क्लबको १३ अंक छ।
गोलअन्तरमा पछि परेको मनाङ मर्स्याङ्दी क्लब पनि १३ अंक जोडेर तेस्रो स्थानमा छ।
अंक तालिका