क्रिश्चियानो रोनाल्डोको गोलमा युभेन्टस विजयी भएको छ।
रोनाल्डोको दुई गोलमा युभेन्टसले जारी इटालियन सिरी एमा आइतबार पार्मालाई २-१ ले पराजित गरेको हो।
युभेन्टसलाई जित दिलाउने क्रममा रोनाल्डोले खेलको ४३ र ५८ औं मिनेटमा गोल गरेका हुन्।
रोनाल्डोले इटालियन सिरी एमा पछिल्ला सात खेलमा लगातार गोल गर्दै आइरहेका छन्।
त्यसैगरी पार्माले खेलको ५५ मिनेटमा एक गोल फर्काएको थियो। उसका लागि सो गोल आन्द्रेआस कोर्नेइउसले गरेका हुन्।
जितपछि शिर्ष स्थानमा रहेको युभेन्टसको २० खेलबाट ५१ अंक भएको छ। यसैगरी उसलाई पछ्याइरहेको इन्टर मिलानको २० खेलबाट ४७ अंक छ।
आइतबार नै भएको खेलमा इन्टरमिलान लिचेसँग १-१को बराबरीमा रोकिएको छ।
