शनिबार राति जर्मेन बुडेन्स लिगामा भएको खेलमा बार्यन म्यूनिखले वेर्डेर ब्रेमेनलाई ६-१ को फराकिलो अन्तरले पराजित गरेको छ।
घरेलु मैदानमा भएको खेलमा म्यूनिखका फिलिप कोन्टिन्होले ह्याट्रिक गरे। यसैगरी ६-१ ले पराजित गर्ने क्रममा रोबर्ट लेवान्डोस्कीले दुई तथा थोमस मुलरले एक गोल गरे।
खेलमा अग्रता भने वेर्डेरले लिएको थियो। राशिकाले २४ औं मिनेटमा गोल गर्दै टोलीलाई अग्रता दिलाएका थिए।
सो अग्रतालाई कोन्टिन्होले खेलको ४५ औं मिनेटमा बराबरी गरे भने अतिरिक्त समयको चौथो मिनेटमा लेवान्डोस्कीले गोल गरेपछि पहिलो हाफ २-१ को नतिजामा टुङ्गियो।
त्यसपछि ६-१ ले वेर्डेरलाई पराजित गर्ने क्रममा कोन्टिन्होले खेलको ७३ र ७८ औं मिनेटमा गोल गरे भने लेवान्डोस्कीले ७२ औं मिनेटमा गोल गरे।
यसैगरी मुलरले खेलको ७५ औं मिनेटमा गोल गरेका थिए।
जितसँगै १५ खेलबाट २७ अंक जोड्दै बार्यन म्युनिख लिगको चौथो स्थानमा उक्लिएको छ।
