कोपा अमेरिकामा आमन्त्रित टोलीका रूपमा सहभागी कतारलाई कोलम्बियाले पराजित गरेको छ।
बिहिबार बिहान सम्पन्न खेलमा कतार १-० ले पराजित भएको हो। कोलम्बियाको जितमा एकमात्र गोल खेलको ८६ औं मिनेटमा डुवान जापाताले गरेका थिए।
जारी प्रतियोगितामा दोश्रो जितसँगै कोलम्बियाले ६ अंक जोडेको छ। पहिलो खेलमा उसले अर्जेन्टिनालाई २-० ले स्तब्ध पारेको थियो।
जितसँगै कोलम्बिया क्वाटरफाइनल पुग्ने पहिलो टोली बनेको छ।