स्लाभिया प्रागलाई ४-३ ले पराजित गर्दै चेल्सी युइएफए युरोपा लिग फुटबलको सेमिफाइनलमा प्रवेश गरेको छ ।
बिहीबार राति भएको दोस्रो लेगको ४–३ जितेको चेल्सी समग्रमा ५–३ ले विजयी हुँदै सेमिफाइनल प्रवेश गरेको हो ।
हिजोको खेलमा चेल्सीले ५ औ मिनेटमा गोल गर्दै अग्रता लिएको थियो। सो गोल पेड्रो रोड्रिग्वेजले गरेका हुन्।
त्यसपछि चेल्सीले खेलको ९ औं मिनेटमा प्रागबाट आत्मघाती गोल उपहार पायो रे आफ्नो अग्रतालाई २-० बनायो। सिमोन डेलीबाट आत्मघाती गोल भएको हो। त्यसपछि ओलिभर जिरूडले टोलीका लागि खेलको १७ औं मिनेटमा तेश्रो गोल गरे।
२६ औं मिनेटमा प्रागका लागि थोमस सुसेकले एक गोल फर्काए। प्रागले १ गोल फर्काएको १ मिनेटपछि नै रोड्रिग्वेजले आफ्नो दोश्रो ब्यक्तिगत गोल गर्दै चेल्सीलाई ४-१ को नतिजामा पुर्याए।
पहिलो हाफ ४-१ को नतिजामा सकिएको खेलमा प्रागले दोश्रो हाफमा दुई गोल गर्यो। उसका लागि दुबै होल पिटर सेभसिकले खेलको ५१ औं र ५४ औं मिनेटमा गोल गरेपछि खेल ४-३ को नतिजामा सकियो।
यसरी संमग्रमा चेल्सी ५-३ विजयी भयो।