फ्रेन्च क्लब पेरिस सेन्ट जर्मेनले लगातार तेश्रोपटक लिग उपाधि जित्ने मौका गुमाएको छ।
बिहिबार राती नान्टेससँग ३-२ ले पराजित भएपछि उसले लिग उपाधि जित्ने सपना लगातार तेश्रो म्याचमा गुमाएको हो। एक खेल जितेमा उसले फ्रेन्च लिग वानको उपाधि आफ्नो पोल्टामा पार्नेछ।
नान्टेससँगको खेल जित्दै उपाधि पक्का गर्ने लक्ष्यसहित मैदानमा उत्रेको पिएसजीले हिजोको खेलमा पहिले अग्रता लिएको थियो। खेलको १९ औं मिनेटमा ड्यानी आल्भेसले गोल गर्दै टोलीलाई अग्रता लिएको थियो।
पिएसजीको सो अग्रतालाई खेलको २२ औ मिनेटमा सान्टोस सिल्भाले गोल गर्दै बराबरी गरिदिए। नान्टेस यतिमा रोकिएन पहिलो हाफ सकिन १ मिनेट बाँकी छँदा उसले दोश्रो गोल गर्यो मध्यान्तर अगाडी नतिजा २-१ ले आफ्नो पक्षमा पार्यो। सो गोल माजिद वारिसले गरेका थिए।
त्यसपछि दोश्रो हाफको ५२ औं मिनेटमा ड्यानी आल्भेसले गोल गरे र पिएसजीलाई ३-१ ले पछि पारे।
हिजोको खेलमा पिएसजी आफ्ना स्टार खेलाडीहरू किलयन एमबाप्पे, एन्जल डी मारिया जस्ता खेलाडी बिना नै मैदानमा उत्रेको थियो। उनीहरूको अनुपस्थितिको फाइदा नान्टेसले लियो र पिएसजीको लिग उपाधिको सपनालाई अर्को एक खेल पर सारिदियो।
दुई गोलले पछाडी परेको पिएसजीले खेलको ८९ औं मिनेटमा गोल गर्यो र नतिजा ३-२ को अवस्थामा सकियो।
अब उपाधि जितका लागि पिएसजीले अर्को खेलमा जित हासिल गर्नुपर्नेछ वा दोश्रो स्थानमा रहेको लिलेले हारेमा पनि उसले लिग जित्नेछ। ३२ खेलबाट पिएसजी ८१ अंक सजित पहिलो स्थानमा छ भने दोश्रो स्थानमा १७ अंकलेपछि रहेको लिलेको ६४ अंक छ।
आइतबार पिएसजी मोनाकोसँग भिड्दै छ। लिगमा अब ६ खेल बाँकी छ।