लिग अन्तर्गत सोमबार राति भएको खेलमा वेस्ट ह्याममाथि २–० विजयी भएपछि चेल्सी लिग तालिकामा दुई स्थानमाथि पुगेको छ।
चेल्सी टोटनह्याम र आर्सनललाई पछि पारेर तेस्रो स्थानमा पुगेको हो । यी दुबै टोलीले चेल्सी भन्दा एक खेल कम खेलेका छन्।
घरेलु मैदानमा भएको खेलमा चेल्सीका लागि दुबै गोल इडन हजार्डले गरेका हुन् । उनले पहिलो गोल खेलको २४ औं मिनेटमा गरेका थिए भने दोश्रो गोल खेलको ९० औं मिनेटमा गरेका थिए।
जितपछि चेल्सीको ३३ खेलबाट ६६ अंक भएको छ । त्यसैगरी चौथो र पाँचौं स्थानमा झरेको टोटनह्याम र आर्सनलको समान ३२ खेलबाट क्रमशः ६४ र ६३ अंक छ ।
