दोस्रो मैत्रीपूर्ण खेलमा नेपाल कुवेतसँग १-० ले पराजित भएको छ । नेपालकाविरूद्ध कुवेतले सो एक मात्र गोल पेनाल्टीमार्फत गरेको हो।
नेपालका डिफेन्डर रञ्जित धिमालले पेनाल्टी क्षेत्रमा फल गरेपछि कुवेतले पेनाल्टीको अवसर पाएको थियो। सो पेनाल्टीलाई कुवेतका युसुफ नासेरले गोलमा परिणत गरेका थिए । आखिर सोहि गोलले नेपालको हारको लागि पर्याप्त बन्यो।
हिजोको खेलमा पनि नेपालका गोल रक्षक किरण जेम्जोङको प्रदर्शन उत्कृष्ट रह्यो। उनले कुवेतका प्रहारहरूलाई थुप्रैपटक रोके।
नयाँ प्रशिक्षक योहान कालीनको प्रशिक्षकत्वमा नेपालले हिजोको खेलमा आफ्ना अग्रपन्तीका परिवर्तन गरेपनि नेपालले कुवेती पोस्टमा गतिलो आक्रमण गर्न सकेन।
कुवेतसँगको पहिलो मैत्रीपुर्ण खेल गोलरहित बराबरीमा रोकिएको थियो।
