च्याम्पियन्स लिग अन्तरगत मंगलबार राति भएको खेलमा युभेन्टसका स्टार स्ट्राइकर रोनाल्डोले ह्याट्रिक गर्दै पहिलो लेगको नतिजालाई उल्टाउँदै आफ्नो क्ल्बलाई अन्तिम ८ मा पुर्याएका छन्।
उनले सो ह्याट्रिक एथ्लेटिको मड्रिडविरूद्ध गरेका हुन्। पहिलो लेगको नतिजा युभेन्टसले मड्रिडलाई २-० ले सुम्पेको थियो।
आफ्नो टोलीलाई जित दिलाउने क्रममा रोनाल्डोले खेलको पहिलो हाफमा १ गोल गरेका हुन् भने बाँकी दुई गोल दोश्रो हाफमा। उनले पहिलो हाफको २७ औं मिनेटमा गोल गर्दै अग्रता दिलाएका थिए।
यसैगरी दोश्रो गोल उनले खेलको दोश्रो हाफको ४९ औं मिनेटमा गरे। उनको यो गोलले युभेन्टसलाई समग्रमा २-२ को बराबरीमा पुर्यायो।
त्यसपछि खेलको अन्त्यमा युभेन्टसले पेनाल्टीको अवसर पायो। यसलाई रोनाल्डोले गोलमा परिणत गरे र टोलीलाई अन्तिम ८ मा पुर्याए। युभेन्टसले खेलको ८६ औं मिनेटमा पेनाल्टी पाएको थियो।
यसरी रोनाल्डो ह्याट्रिकले युभेन्टसलाई समग्रमा ३-२ को जित दिलायो। च्याम्पियन्स लिगमा यो रोनाल्डोको १२४ गोल हो भने आठौं ह्याट्रिक हो।
'यो विशेष रात हुनेवाला थियो र भयो पनि' जित पछि रोनाल्डोले भने, ' मेरो गोलका लागि मात्र नभइ हाम्रो प्रदर्शनका लागि पनि।'
उनले च्याम्पियन्स लिगमा यस्तै मनोस्थिति हुनुपर्ने प्रतिक्रिया पनि दिए।
अन्तिम आठ को ड्र शुक्रबार हुनेछ।