इटालियन सिरी ए फुटबलो लिग अन्तर्गत शुक्रबार राति भएको खेलमा युभेन्टसले युडिनेसलाई ४–१ ले पराजित गरेको छ ।
घरेलु मैदानमा जित हासिल गर्ने क्रममा युभेन्टसका लागि मुएज किनले दुई गोल गर्दा एम्री क्यान र ब्लेज माटुइडीले एक एक गोल गरेका थिए ।
हिजो खेलमा स्टार खेलाडी क्रिष्टियानो रोनाल्डोलाई आराम दिइएको थियो। खेलमा पहिलो होल १९ वर्षिय किनले ११ औं मिनेटमा गरेका थिए। युभेन्टसका लागो दोश्रो गोल पनि केनले नै खेलको ३९ औँ मिनेटमा गरेका थिए ।
यस्तै पहिलो हाफ २-० मा सकिएको खेलमा तेश्रो गोल युभेन्टसका लागि क्यानले ६७ र माटुइडीले ७१ औँ मिनेटमा गोल गरे ।
युडिनेसका लागि एक मात्र गोल खेलको ८४ औँ मिनेटमा लासाग्नाले एक गोल फर्काएका थिए ।
युभेन्टसले च्याप्मिपयन्स लिगको अन्तिम १६ को दोश्रो लेग मंगलबार स्पेनिस क्लब एथ्लेटिको मड्रिडसँग खेल्नेछ ।
पहिलो लेगमा २–० ले पराजित भएको युभेन्टसका लागि दोश्रो खेल राम्रो गोल अन्तरले जित्नुपर्ने दबाब छ।
शुक्रबार रातिको खेल जतेपछि युभेन्टसको २७ खेलबाट ७५ अंक जोडेको छ। उ भन्दा एक खेल कम खेलेको नापोली १९ अंकले पछाडि रहेको छ।