माल्मोलाई ३-० ले पराजित गर्दै चेल्सी युरोपा लिग फुटबलको अन्तिम १६ मा प्रवेश गरेको छ ।
दोस्रो लेग अन्तर्गत बिहीबार राति भएको खेलमा चेल्सीले माल्मो एफएफलाई ३–० ले हराउँदै अन्तिम १६ मा पुगेको हो ।
पहिलो हाफ बराबरी भएको खेलमा चेल्सीले खेलको ५५ औं मिनेटमा पहिलो गोल गर्दै अग्रता कायम गरेको थियो। चेल्सीका लागि पहिलो गोल ओलिभर जिरउडले गरेका हुन्।
चेल्सीका लागि बाँकी दुई गोल खेलको ७४ औं र ८४ औं मिनेटमा क्रमश: रोस बार्क्ली र हडसन-ओडोइले गरेका थिए ।
दोश्रो हाफ माल्मो १० खेलाडीमा सिमित हुन पुगेको थियो। दोहोरो पहेंलो कार्ड खाएपछि ७३ औं मिनेटमा बेङ्गट्सन मैदानबाट बाहिरिनु परेको हो।