रायो भालेकानोमाथि १–० को जित निकालेको एथ्लेटिको म्याड्रिडले आफूलाई स्पेनिस ला लिगामा दोस्रो स्थानमा पुर्याएको छ।
शनिबार भएको खेलमा भालेकानोमाथि एथ्लेटिकोलेलाई उसको घरेलु मैदानमा हराएको हो। जितको निर्णायक गोल एन्टोनी ग्रिजम्यानले खेलको ७४ औं मिनेटमा गरेका थिए।
पछिल्लो तीन खेलमा एथ्लेटिकोको यो पहिलो विजय हो।
जितपछि दोस्रो स्थानमा उक्लिएको एथ्लेटिकोको २४ खेलबाट ४७ अंक छ भने उसले उछिनेको रियल म्याड्रिडको २३ खेलबाट ४५ अंक रहेको छ।