शीर्षस्थानको बार्सिलोनाले शनिबार ला लिगा अन्तर्गत भएको खेलमा रियल भालाडोलिडमाथि १-० को साँघुरो जित निकालेको छ। बार्साले सो जीत पेनाल्टीमार्फत हासिल गरेको हो
बार्सिलोनाको जितमा सो निर्णायक गोल लियोनल मेस्सीले गरेका हुन्। सो खेलमा दुई पेनाल्टी प्रहार गरेका मेस्सीले एक पेनाल्टीलाई गोलको दिशा दिन सकेनन्।
मेस्सीले खेलको ४३ औँ मिनेटमा पाएको पेनाल्टीमा गोल गरेका हुन् । योसँगै यस सिजनमा सबै प्रतियोगितामा मेस्सीको गोल संख्या ३० पुगेको छ । मेस्सीले पछिल्ला ११ सिजनमा कम्तिमा ३० गोल गर्दै आएका छन् ।
सो खेलमा मेस्सीले प्रहार गरेको दोश्रो पेनाल्टी रियल भालाडोलिडका गोल रक्षक जोर्डी मासिपले बचाएका थिए। उनले बार्सिलोनाका अरू थुप्रै प्रहारहरूलाई रोकेका थिए।
जितसँगै ला लिगामा बार्सिलोनाले २४ खेलबाट ५४ अंक जोड्दै आफूलाई शीर्ष स्थानमा राखेको छ। लिगमा ४७ अंकसहित एथलेटिको म्याड्रिड दोश्रो स्थानमा रहेको छ।
त्यस्तै २ अंक कम रहेको रियल म्याड्रिड तेश्रोमा रहेको छ।
खेलपछि बार्सिलोनाका डिफेन्डर खेल जितेको भए पनि आफूहरूले राम्रो खेल्न नसकेको बताए ।