बार्सिलोना स्पेनिस कोपा डेल रे फुटबलको प्रि–क्वाटरफाइनलको पहिलो लेगमा लेभान्टेसँग पराजित भएको छ ।
बिहीबार राति लेभान्टेको घरेलु मैदानमा भएको खेलमा बार्सिलोना २–१ ले स्तब्ध भएको हो।
लेभान्टेको जितमा इरिक कावाको र बोर्जा मायोरलले गोल गरे। पराजित टिमका लागि फिलिपे कौटिन्होले एक गोल फर्काएका थिए।
खेलको चौथो मिनेटमा घरेलु टोलीका लागि इरिक कावाकोको गोल गर्दै सुरूवाती अग्रता दिलाएका थिए।
खेलको १४ औं मिनेटमा बोर्जा मायोरलले गोल गर्दै घरेलु टोलीको अग्रता दोब्बर पारे।
पहिलो हाफमा २ गोलले पछि परेको बार्सिलोना खेलमा फर्कन हम्मे हम्मे पर्यो।
२ गोलले पछि परेपछि बार्सिलोनाले घरेलु टोलीमाथि दवाव सिर्जना गरे पनि गोल गर्न सकेन।
खेलको ८५ औं मिनेटमा फिलिपे कौटिन्होले पेनाल्टीमार्फत बार्सिलोनालाई खेलमा फर्काउने संकेत दिए पनि त्यो गोलले हार टार्न सकेन। दोस्रो लेग जनवरी १८ मा बार्सिलोनाको घरेलु मैदानमा हुनेछ।
