लण्डन क्लब चेल्सीले ब्राइटनलाई हराउँदै लिगको चौथो स्थानमा यथावत रहेको छ।
ईङलिस प्रिमियर लिग फुटबलमा आईतबार राति चेल्सीले ब्राइटनलाई २–१ गोल अन्तरले पराजित गरेको हो।
पाहुना टोली चेल्सीको जितमा पेड्रो र हजार्डले गोल गरे।
खेलको १७ औं मिनेटमा पेड्रोको गोलबाट सुरूवती अग्रता लिएको चेल्सीले ३३ औं मिनेटमा हजार्डको गोलबाट अग्रता दोब्बर पार्यो।
पहिलो हाफमा २–० को अग्रता लिएको चेल्सीले दोस्रो हाफमा केही कमजोर प्रदर्शन गर्यो।
दोस्रो हाफको ६६औं मिनेटमा मार्चले गोल गर्दै घरेलु टोलीलाई खेलमा फर्काउने कोशिश गरे। त्यसपछि पनि पाएका केही राम्रा मौका सदुपयोग गर्न नसक्दा घरेलु टोली हार व्यहोर्न बाध्य भयो।
जितसँगै चौथो स्थानको चेल्सीले १७ खेलबाट ३७ अंक जोड्यो। पराजित ब्राइटन २१ अंक सहित लिगको १३ औं स्थानमा छ।
यसैबीच आइतबार रातिनै भएको अर्को खेलमा उपाधिको दाबेदार रहेको आर्सनल पराजित भएको छ।
रेलिगेशन जोनमा रहेको साउथ ह्याम्पटनसँग ३-२ ले पराजित आर्सनललाई अंक तालिकामा चौथो स्थान उक्लने मौकासमेत गुमाएको छ।
यता आर्सनलविरुद्ध जित निकालको साउथ ह्याम्पटन रेलिगेशन जोनबाट बाहिर आएको छ।
साउथह्याम्पटनको जितमा डेनियल विलियमले २ तथा चार्लि अस्टिनले एक गोल गर्दा आर्सनलका लागि हेनिरिकले २ गोल गरे पनि त्यो पर्याप्त रहेन।