चेल्सीलाई युइएफए युरोपा लिग फुटबलमा भिडी एफसीले २-२ गोलको बराबरीमा रोकेको छ।
हंगेरीको भिडीले घरेलु मैदानमा भएको बिहिबार रातिको खेलमा इंग्लिस क्लब चेल्सीलाई बराबरीमा रोक्न सफल भएको हो।
सुरूवाती अग्रता जोगाउन नसकेको चेल्सीले खेलको ३०औं मिनेटमा विलियनले गोल गर्दै चेल्सीलाई सुरूवाती अग्रता दिलाएका थिए। तर, त्यसको २ मिनेटपछि चेल्सीका इथान अमपाडुले आत्मघाती गोल घरेलु टोलीलाई उपहार दिएपछि पहिलो हाफमै भिडीले खेल बराबरीमा ल्याएको थियो।
पहिलो हाफमा १-१ गोलको बराबरी खेलेको घरेलु टोली दोस्रो हाफमा आक्रमक खेल्दै खेलमा अग्रता लिन सफल भयो।
खेलको ५६ औं मिनेटमा लोइक नेगोले गोल गर्दै घरेलु टोलीलाई २-१ को अग्रता दिलाए।
खेलको ७५औं मिनेटमा चेल्सीका लागि ओलिभर जिरूडले गोल गर्दै खेललाई २–२ गोलको बराबरीमा ल्याए। त्यसपछि खेलमा थप गोल हुन नसक्दा बराबरीमा सकियो।
यसअघि नै नकआउट चरणमा स्थान बनाइसकेको चेल्सी समूह ‘एल’ बाट समूह विजेता बन्दै अन्तिम १६ मा प्रवेश गर्यो।
६ खेलबाट समूहमा १६ अंक जोडेको चेल्सी समूह बिजेताका रूपमा अन्तिम १६ मा प्रवेश गरेको हो।
६ खेलबाट ७ अंक जोडेको भिडी समूह चरणबाटै बाहिरिएको छ।
यही समूहको अर्को खेलमा बेट बोरिसोभले पाओक फुटबल क्लबमाथि जित निकाल्दै समूह उपविजेताको रुपमा नकआउट चरणमा पुग्न सफल भयो।
जितपछि बोरिसोभको ६ खेलबाट ९ अंक जोड्न सफल भयो। पाओक ३ अंक जोडेर समूहको पुछारमा रह्यो।
