युरोपकै प्रतिष्ठित एवम् सबैभन्दा ठूलो क्लब फुटबल प्रतियोगिता युरोपियन च्याम्पियन्स लिगमा समूह चरणका खेलहरू सकिएका छन्।
यो सँगै अन्तिम १६ को समिकरणसमेत पुरा भएको छ।
नकआउट चरणमा पुग्ने टोलीहरूमा इंग्ल्याण्डबाट सबैभन्दा धेरै ४ क्लब पुगेका छन्। यस्तै स्पेन र जर्मनीबाट ३-३ क्लब अन्तिम १६ मा पुग्दा इटाली र फ्रान्सबाट २-२ तथा नेदरल्याण्ड्स र पोर्चुगलबाट १-१ क्लब अन्तिम १६ मा पुगेका छन्।
इंग्लिस क्लब म्यानचेष्टर सिटी समूह विजेता हुँदै अन्तिम १६ मा पुग्दा इंलिस क्लबहरू लिभरपुल, टोटनह्याम र म्यानचेष्टर युनाइटेड समूह उपविजेताका रूपमा अन्तिम १६ मा प्रवेश गरेका हुन्।
स्पेनबाट बार्सिलोना र रियल मड्रिड समूह विजेता बन्दा एट्लेटिको मड्रिड समूह उपविजेता बनेर अन्तिम १६ मा पुगे।
यस्तै जर्मनीको वायर्न म्युनिख र बोरूसिया डर्टमण्ड समूह विजेता बन्दा साल्का समूह उपविजेताका रूपमा नकआउट चरणमा पुग्यो।
इटालीबाट युभेन्ट्स समूह विजेता र रोमा समूह उपविजेता बन्दा फ्रान्सको पीएसजी समूह विजेता र लियोन समूह उपविजेता बन्दै अन्तिम १६ मा पुगेका छन्।
डच क्लब अयाक्स र पोर्चुगिज क्लब पोर्टो समूह विजेताका रूपमा दोस्रो चरणमा प्रवेश गरेका छन्।
यसैबीच च्याम्पियन्स लिगको अन्तिम १६ को प्रतिश्पर्धाको ड्र सोमबार हुने युइएफले जनाएको छ।
यी हुन् १६ टोली
- म्यानचेष्टर सिटी- समूह विजेता
- बार्सिलोना- समूह विजेता
- रियल मड्रिड - समूह विजेता
- वायर्न म्युनिख - समूह विजेता
- बोरूसिया डर्टमण्ड - समूह विजेता
- युभेन्ट्स - समूह विजेता
- पीएसजी - समूह विजेता
- पोर्टो - समूह विजेता
- लिभरपुल – समूह उपविजेता
- टोटनह्याम– समूह उपविजेता
- म्यानचेष्टर युनाइटेड– समूह उपविजेता
- एट्लेटिको मड्रिड - समूह उपविजेता
- साल्का- समूह उपविजेता
- रोमा- समूह उपविजेता
- लियोन- समूह उपविजेता
- अयाक्स - समूह उपविजेता