डिफेन्डिङ च्याम्पियन रियल मड्रिडले सिएसकेए मस्कोसँग लज्जास्पद पराजय व्यहोरेको छ।
युइएफए च्याम्पियन्स लिग फुटबलको समूह चरणको अन्तिम खेलमा स्पेनिस क्लब रियल म्याड्रिड रसियन क्लब सिएसकेए मस्कोसँग ३-० ले पराजित भएको हो।
च्याम्पियन्स लिग फुटबलमा रियलले घरेलु मैदानमा र अवे मैदानमा सन् २००८ पछि पहिलो पटक हार बेहोर्यो। यसअघि सन् २००८ मा रियल युभेन्टससँग दुवै खेलमा पराजित भए यता पहिलो पटक पराजित भएको हो।
रियल पहिलो लेगमा पनि उसकै घरेलु मैदानमा मस्कोसँग १–० ले स्तब्ध भएको थियो।
सान्टियागो बर्नबेउमा खेलको ३७ औं मिनेटमा फेडर चालभले गोल गर्दै मस्कोलाई सुरूवाती अग्रता दिलाएका थिए।
४३औं मिनेटमा जर्जी सेचेनीकोभले मारियो फर्नान्डेजको पासलाई सदुपयोग गर्दा पाहुना टोली मस्कोले पहिलो हाफमै २–० को अग्रता बनाएको थियो।
पाएका केही राम्रा मौका सदुपयोग गर्न नसक्दा पहिलो हाफमा २–० ले पछि परेको रियलले दोस्रो हाफमा केही आक्रम खेल्यो। तर बल नियन्त्रण गरे पनि गोल गर्न असमर्थ रह्यो।
७३औं मिनेटमा मस्कोको लागि अर्नर सिगुर्डसनले गोल गर्दै अग्रता एक पक्षीय पारे।
त्यसपछि पनि रियलले विपक्षी पोष्ट गरेका कैयौ प्रहार बिफल भएपछि घरेलु मैदानमै लज्जास्पद हार व्यहोर्न बाध्य भयो।
यद्यपी यसअघिनै प्रतियोगिताबाट बाहिरिसकेको मस्कोसँगको हारले पनि रियल समूह ‘जी’ को विजेताको रूपमा अन्तिम १६ मा प्रवेश गरेको छ।
रियलले ६ खेलबाट १२ अंक जोड्दा मस्कोले ७ अंक जोड्न सफल भयो।
यही समूहको अर्को खेलमा रसियन क्लब भिक्टोरिया प्लेजेनले इटालियन क्लब रोमालाई २–१ ले पराजित गरेको छ। यद्यपी हारका बाजुत पनि रोमा समूहको उपविजेताका रूपमा अन्तिम १६ मा प्रवेश गरेको छ।
६ खेलबाट तीन जितसहित ९ अंक जोडेको रोमा यो खेल अगाडिनै दोस्रो चरण पुगिसकेको थियो।
उता पराजित क्लब भिक्टोरिया प्लेजेन ७ अंकसहित समूहबाट बाहिरिएको छ।