फ्रेन्च क्लब पेरिस सेन्ट जर्मेन (पीएसजी) ले रेडस्टारमाथि ४-१ को फराकिलो जित निकाल्दै समूह बिजेताको रूपमा अन्तिम १६ मा प्रवेश गरेको छ।
पिएजीको जितमा नेयमार, केलियन एमबाप्पे, एडिन्सन काभनी र मार्किनेसले गोल गरेका थिए।
सर्वियन क्लब रेड स्टारका लागि मार्को गावेजिकले एक गोल फर्काएका थिए।
रेड स्टारको घरेलु मैदानमा मंगलबार राति भएको खेलमा खेलको १०औं मिनेटमा एम्बाप्पेको पासमा गोल गर्दै काभनीले पिएसजीलाई सुरुवाती अग्रता दिलाएका थिए।
खेलको ४० औं मिनेटमा नेयमारले गोल गर्दै पीएसजीको अग्रता दोब्बर पारे।
पहिलो हाफमा २-० ले अगाडि रहेको पिएसजीले थप दुई गोल गर्यो।
खेलको ५६औं मिनेटमा मार्को गोवेजिकले गोल गर्दै रेडस्टारलाई खेललाई फर्काउने कोशिश गरे।
खेलमा आक्रमक प्रदर्शन गरिरहेको पिएसजीले ७४ औं मिनेटमा एन्जल डि मारियाको पासलाई मार्किनोसले गोल गर्दै ३–१ को अवस्थामा पुर्याए।
इन्ज्युरी समयको थप गरिएको दोस्रो मिनेटमा एम्बाप्पेले गोल गर्दै पीएसजीलाई ४–१ को सहज जित दिलाए ।
यो जितसँगै पीएसजी समूह ‘सी’ को विजेताका रूपमा अन्तिम १६ मा प्रवेश गरेको छ।
पीएसजीले समूहको ६ खेलमा ३ जित, २ बराबरीसँगै १ हार बेहोर्दै ११ अंक जोड्दै समूहको शीर्षय स्थानमा रह्यो।
यस्तै समूहबाट लिभलपुल उपविजेताका रूपमा दोस्रो चरणमा प्रवेश गरेको हो।