नेपोलीलाई हराउँदै लिभरपुल युइएफए च्याम्पियन्स लिग फुटबलको दोस्रो चरणमा प्रवेश गरेको छ।
लिभरपुलको जितमा मोहम्मल सलाहले निर्णायक गोल गरे।
लाई पराजित गर्दै युइएफए च्याम्पियन्स लिग फुटबलको नकआउट चरणमा प्रवेश गरेको छ ।
नकआउट चरणमा पुग्न जित्नैपर्ने खेलमा इंग्लिस क्लब लिभरपुलले इटालियन क्लब एसएससी नेपोलीलाई १–० ले हराएको हो।
यो जितसँगै लिभरपुल समूह ‘सी’ को उपविजेताको रूपमा अन्तिम १६ मा प्रवेश गरेको छ। यो समूहबाट फ्रेन्च लिग वान कलब पेरिस सेन्ट जर्मेन (पीएसजी) समूह विजेताको रुपमा अन्तिम १६ मा प्रवेश गरिसकेको छ।
गएराति एनफिल्डमा भएको खेलमा लिभरपुलले ३४ औं मिनेटमा मोहम्मद सलाहको गोलमा सुरूवाती अग्रता बनायो। जेम्स मिल्नरको पासमा उनले गोल गरेका थिए।
त्यसपछि नेपोलीले आक्रमक खेल खेल्दै लिभरपुलमाथि दबाब बढाउन थाल्यो। खेलको ३६औं मिनेटमा पाएको राम्रो प्रहार लिभरपुलका गोलरक्षक एलिसन बेकरले बिफल तुल्याइदिए।
पहिलो हाफमा १-० ले अग्रता लिएको लिभरपुलले सम्हालिएको प्रदर्शन गर्यो। आक्रमक नेपोलीले गोल गर्ने केही राम्रा मौका गुमाउँदा लिभरपुलले अग्रता बढाउने केही अवसर खेर फालेको थियो।
खेलको ५२औं मिनेटमा सलाहले गोल गर्ने राम्रो मौका गुमाए। त्यसपछिका केही प्रहार दुबै पक्षका गोल किपरले बिफल बनाइदिए।
त्यसपछि खेलमा थप गोल हुन नसक्दा लिभरपुल १–० ले विजयी हुँदै दोस्रो चरणमा प्रवेश गर्यो।
जितपछि लिभरपुलको ६ खेलबाट ९ अंक भएको छ। नेपोलीको पनि समान ९ अंक भए पनि लिभरपुलले नेपोलीलाई हेड टु हेडमा पछि पार्दै दोस्रो चरणको यात्रा तय गरेको हो।