इङ्लिस प्रिमियर लिग फुटबलमा एएफसी बोर्नमाउथलाई ४–० ले हराउँदै लिभरपुल शीर्षस्थानमा उक्लिएको छ।
लिभरपुलको जितमा मोहम्मद सलाहको ह्याट्रिक गर्दा बर्नमाउथका स्टीभ कुकले एक आत्माघाति गोल उपहार दिएका थिए।
मोहमद सलाहले घरेलु टोली बर्नेमाउथविरुद्ध खेलको २५ औं मिनेटमा गोल गर्दै लिभरपुलाई सुरुवाती अग्रता दिलाएका थिए।
पहिलो हाफमा १-० ले अगाडि रहेको लिभरपुलका लागि दोस्रो हाफको सुरूमै सलाहले व्यक्तिगत रूपमा दोस्रो गोल गर्दै टिमको अग्रता दोब्बर पारे।
खेलको ६८ औं स्टिभ कुकको आत्मघाती गोल गरेपछि खेलमा लिभरपुलको अग्रता ३-० भएको थियो।
खेलकफ ७७ औं मिनेटमा सलाहले गोल गर्दै आफ्नो ह्याट्रिक पुरा गरे। जारी सिजनमा दसौं गोल गरेका उनले पहिलो ह्याट्रिक प्रहार गरेका हुन्।
बर्नेमाउथविरुद्ध ह्याट्रिक गरेका सलाह लिभरपुलका लागि प्रिमियर लिगमा सर्वाधिक कम खेलमा ४० गोल पुरा गर्ने खेलाडी बनेका छन्। उनले ५२ खेलमा ४० गोल गरेका हुन्। उनले फर्नान्डो टोरेस ६० खेलमा ४० गोल गर्दै बनाएको कीर्तिमान तोडेका हुन्।
यसपछि खेलमा कुनै गोल भएन र लिभरपुल ४-० को फराकिलो जित निकाल्दै अंक तालिकाको शीर्ष स्थानमा उक्लियो।
जितसँगै शीर्ष स्थानको लिभरपुलले १६ खेलबाट ४२ अंक जोडेको छ। अपराजित लिभरपुलले म्यानचेस्टर सिटीलाई एक अंकले पछि पारेको हो। गए रातिनै भएको अर्को खेलमा चेल्सीले सिटीलाई हराउँदै लिभरपुल शीर्ष स्थानमा रहेको हो।
