लियोनल मेसीबिनै मैदानमा उत्रिएको अर्जेन्टिनाले मेक्सिकोमाथि सहज जित निकालेको छ।
बुधबार बिहान आफ्नै घरेलु मैदानमा भएको अन्तर्राष्ट्रिय मैत्रीपूर्ण खेलमा अर्जेन्टिनाले सहज २-० को जित निकालेको हो।
नियमित कप्तान मेसी बिनै मेक्सिकोविरुद्धको उत्रिएको अर्जेन्टिनाको जितमा माउरो इकार्डी र पाउलो डिबलाले गोल गरे।
क्लब फुटबलमा उत्कृष्ट प्रदर्शन गरे पनि राष्ट्रिय टिममा बिरलै स्थान पाउने यी दुई खेलाडीको गोलमा अर्जेन्टिनाले मेक्सिकोलाई सहजै पन्छाएको हो।
युवा खेलाडीहरुको गतिलो साथ पाएको अर्जेन्टिनाले खेलको दोस्रो मिनेटमै इकार्डीको गोलबाट अग्रता दिलाएका थिए।
पहिलो हाफमा १-० को अग्रता लिएको अर्जेन्टिनाले दोस्रो हाफमा थप एक गोल गर्यो।
खेल सकिन तीन मिनेट बाँकी हुँदा डिबलाले गोल गर्दै टिमलाई २-० को स्पष्ट जित दिलाए।