युइएफए नेसन्स लिग फुटबलमा नेरल्याण्डले विश्वविजेता फ्रान्सलाई स्तब्ध बनाएको छ।
नेदरल्यान्डको घरेलु मैदानमा भएको खेलमा फ्रान्स २–० ले स्तब्ध भएको हो।
नेदरल्याण्डलाई जिताउन जर्जिनियो विज्नाल्डम र मेम्फिस डिपेले एक एक गोल गरेका थिए।
प्रतिस्पर्धात्मक खेलमा पहिलो र दोस्रो हाफमा १-१ गोल सम्भव भएको थियो। घरेलु टोली नेदरल्यान्डले पहिलो हाफ सकिन १ मिनेट बाँकी रहँदा जर्जिन्हो वाइनाल्डमको गोलबाट खेलमा अग्रता लिएको थियो।
यस्तै दोस्रो हाफको इन्जुरी समयमा थप गरिएको छैटौ मिनेटमा मेम्फिस डिपेले पेनाल्टीमार्फत गोल गर्दै नेदरल्यान्डलाई २–० को स्पष्ट जित दिलाए।
सिसोकोले डि–बक्समा डि जङलाई लडाएपछि नेदरल्यान्डले पेनाल्टीको मौका पाएको थियो।
घरेलु टोलीविरुद्ध फ्रान्सले गोल गर्ने केही राम्रा मौका पाए पनि सदुपयोग गर्न नसक्दा हार व्यहोर्नु पर्यो।
जितपछि नेदरल्यान्ड समूह १ बाट प्ले अफमा प्रवेश गरेको छ। नेदरल्यान्डको ३ खेलबाट ६ अंक भएको छ। यता हारपछि पनि ७ अंक जोडेर समूहको शीर्ष स्थानमा रहेको फ्रान्सले प्ले अफमा प्रवेश गर्दा १ अंक जोडेको जर्मनी रेलिगेसनमा परेको छ।
