नेइमारको निर्णायक गोलले अन्तर्राष्ट्रिय मैत्रीपूर्ण खेलमा ब्राजिलले उरूग्वेलाई हराएको छ।
लन्डनमा भएको मैत्रीपूर्ण खेलमा ब्राजिलले दक्षिण अमेरिकी प्रतिद्धन्द्धी उरूग्वेलाई १–० ले पराजित गरेको हो।
तनावग्रस्त खेलमा ब्राजिलले विवादास्पद पेनाल्टीबाट गोल गर्दै खेलमा अग्रता बनाएको थियो। खेलको ७५ औं मिनेटमा ब्राजिलका डानिलोलाई उरूग्वेका डियागो लाछाल्टले लडाएको भन्दै रेफ्रीले पेनाल्टीको मौका दिएका थिए।
जसमा नेमयार गोल गर्दै टोलीलाई अग्रता दिलाए। यो सँगै नेयमारले आफ्नो अन्तर्राष्ट्रिय गो संख्या ६० पुर्याएका छन्।
त्यसअघि नेयमारले खेलको १०औं मिनेटमा गरेको गोल रेफ्रीले अफसाइड दिएका थिए।
दुवै टोलीले मैदानमा बलियो टिम उतारेका थिए। ब्राजिलमा नेयमारसँगै लिभरपुलका फिर्मिन्हो र एलिसन थिए। उता उरूग्वेले पनि बार्सिलोनाका स्टार लुईस सुआरेजसहितका पहिलो रोजाइका खेलाडी मैदान उतारेको थियो।
अत्यान्त तनावपूर्ण खेलमा रेफ्रीले दुवै टिमका खेलाडीलाई गरी ८ वटा पहेलो कार्ड देखाएका थिए ।
पछिल्लो पटक विश्वकपको क्वाटरफाइनलमा बेल्जियमसँग पराजित भए यता अपराजित रहेको ब्राजिलले त्यसपछि अमेरिका, साल्भाडोर, साउदी अरब र अर्जेन्टिनालाई हराइसकेको छ।
ब्राजिल यति बेला घरेलु मैदानमा अर्को वर्ष हुने कोपा अमेरिकाको तयारीमा छ। उसले अब क्यामरुनसँग मैत्रिपूर्ण म्याच खेल्नेछ।
यता उरूग्वे विश्वकपको क्वाटरफाइनलमा फ्रान्ससँग पराजित भएयताको खेलेका चार खेलमा एउटामा मात्रै जित हात पारेको छ। उरूग्वेले अर्को साता विश्वकप विजेता फ्रान्स र नेदरल्याण्डसँग मैत्रिपूर्ण म्याच खेल्नेछ।
